کینبرا، سابق آسٹریلوی کپتان رکی پونٹنگ نے اسٹار کرکٹر بابراعظم کو فارم میں واپس آنے کے لیے ویرات کوہلی کا طریقہ کار دیکھنے کا مشورہ دیدیا۔
آئی سی سی ریویو میں اظہار خیال کے دوران سابق کرکٹر رکی پونٹنگ کا کہنا ہے کہ بابراعظم کوایسا راستہ نکالنا چاہیے کہ فارم میں واپس آکر وہ ٹیسٹ ٹیم میں جگہ بنائیں۔
سابق کرکٹر نے کہا کہ بابر کو فارم کی بحالی کے لیے ویرات کوہلی کا طریقہ اپنانا چاہیے، ویرات نے اس وقت بھی اپنے آپ کو تروتازہ کرنے کے لیے کرکٹ سے وقفہ لیا تھا اور بابراعظم کو کچھ عرصے کیلئے کرکٹ سے دوری اختیار کرلینی چاہیے۔
پاکستان کی مسلسل کپتان کی تبدیلی پر اظہار خیال کرتے ہوئے رکی پونٹنگ کا کہنا تھا کہ پی سی بی مسلسل کپتان تبدیل کررہا ہے، ایک دن شاہین پھر بابر اور اب رضوان کپتان ہیں۔
سابق کرکٹر کا کہنا تھا کہ وائٹ بال کرکٹ میں بہت ساری تبدیلیاں کی گئیں، اس طرح کا عدم استحکام ٹھیک نہیں۔
دوسری جانب قومی فاسٹ بولر نسیم شاہ کا کہنا ہے کہ مکمل فٹ ہونے کے باوجود بھی درد کسی بھی وقت ہو سکتا ہے۔
غیر ملکی میڈیا کے مطابق گفتگو کے دوران فاسٹ بالر نسیم شاہ نے کہا کہ کریمپس (درد) ریکور ہونے میں زیادہ وقت نہیں لگتا، جب کریمپس پڑے تو وقت کم تھا اس لیے اوور مکمل نہیں کر سکا۔
قومی فاسٹ بالر کا کہنا ہے کہ پہلا ون ڈے قریب جا کر ہارے تھے، اُمید ہے کہ دوسرا ون ڈے جیت کر سیریز کو برابر کریں گے۔