71
لاہور، سینئر صوبائی وزیر مریم اورنگزیب کا کہنا تھا کہ پوری قوت سے اسموگ پھیلانے والے ذرائع کو روکیں گے۔
سینئر صوبائی وزیر مریم اورنگزیب کی جانب سے شہریوں سے اپیل کی گئی ہے کہ شہری آئندہ 3 دن بہت زیادہ احتیاط کریں، اسموگ کی شدت میں اضافہ انتہائی تشویشناک ہے، بزرگ، مریض اور بچے خصوصی احتیاط کریں، ماسک لازمی پہنیں، احتیاطی تدابیر پر عملدرآمد یقینی بنائیں۔
مریم اورنگزیب کا کہنا تھا کہ موسمیاتی ماہرین کی مشاورت سے مصنوعی بارش کا آپشن استعمال کریں گے، مونجی یا فصل کی باقیات جلانا اس وقت جلتی پر تیل ڈالنے کے برابر ہوسکتا ہے، پوری قوت سے اسموگ پھیلانے والے ذرائع کو روکیں گے۔
مریم اورنگزیب کا کہنا تھا کہ ماحولیاتی قوانین، ضابطوں اور کسی بھی خلاف ورزی پر شہری 1373 پر فوری شکایات کریں، گرین ایپ کا استعمال کریں۔
سینئر صوبائی وزیر نے کہا کہ سموگ کی صورتحال سے متعلق قائم مانیٹرنگ اینڈ کنٹرول روم تمام ڈیٹا کا مسلسل بغور جائزہ لے رہا ہے۔
