سپریم کورٹ نے سوئی ناردرن گیس کے زائد بلنگ سے متعلق کیس نمٹا دیا۔
سپریم کورٹ میں سوئی نادرن گیس کمپنی کے زائد بلنگ سے متعلق کیس کی سماعت جسٹس منصور علی شاہ اور جسٹس عقیل عباسی پر مشتمل دو رکنی بینچ نے کی۔ کیس کی سماعت کے دوران درخواست گزار کے وکیل نے عدالت کو بتایا کہ اس کیس کی نظرثانی درخواست زیر التوا ہے اور 26ویں ترمیم کے بعد یہ معاملہ آئینی بنچ میں جانے کا امکان ہے۔
اس پر جسٹس منصور علی شاہ نے ریمارکس دیے کہ اس کیس میں آئینی یا قانونی نوعیت کا کوئی بڑا سوال نہیں ہے جسے آئینی بینچ کے سامنے پیش کیا جائے۔ انہوں نے وکلا کو مشورہ دیا کہ وہ ہر معاملے کو آئینی بنچ کے سامنے نہ لے جائیں، کچھ مقدمات دو رکنی بینچ کے دائرہ کار میں بھی رہنے دیں تاکہ ان پر تیزی سے کارروائی کی جا سکے۔
عدالت نے سوئی نادرن زائد بلنگ کیس کو نمٹاتے ہوئے یہ ریمارکس بھی دیے کہ درخواست گزار زیر التوا نظرثانی کیس میں اپنے سوالات اور تحفظات پیش کر سکتے ہیں۔
