118
عمرکوٹ ڈسٹرکٹ اسپتال، سائیکل کے پمپ سے مریض کو آکسیجن دینے کی ویڈیو سوشل میڈیا پروائرل ہوگئی۔
ویڈیو میں یہ دیکھا جاسکتا ہے کہ مریض کو سائیکل کے پمپ سے آکسیجن دی جارہی ہے۔ تاہم ایم ایس ڈسٹرکٹ اسپتال کی جانب سے ویڈیو کو جھوٹ اور بدنیتی قرار دے دیا گیا۔
ڈپٹی کمشنرکو جمع کرائی گئی رپورٹ میں یہ کہا گیا کہ وائرل ویڈیو میں کوئی صداقت نہیں اور ڈسٹرکٹ اسپتال میں سینٹرل آکسیجن سسٹم نصب ہے۔
ویڈیو منظرِ عام پر آنے کے بعد ڈپٹی کمشنر عمرکوٹ کی جانب سے نوٹس لے کر رپورٹ طلب کی گئی تھی۔
دوسری جانب اسموگ کی ابتر صورتحال کو دیکھتے ہوئے پنجاب حکومت کی جانب سے لاہور کے سرکاری اور نجی پرائمری سکول 1 ہفتے کیلئے بند کرنے کا اعلان کر دیا گیا جس کا باقاعدہ نوٹیفکیشن بھی جاری کردیا گیا۔
سینئر صوبائی وزیر مریم اورنگزیب کی جانب سے لاہور میں پریس کانفرنس کے دوران یہ کہا گیا کہ لاہور کے ایئرکوالٹی انڈیکس نے صبح کے وقت ایک ہزار سے زیادہ تجاوز کیا۔
