لاہور،پاکستانی شوبز انڈسٹری کی حسین اداکارہ انمول بلوچ کی شادی کی افواہیں زور پکڑ گئیں۔
سال 2025 شوبز شخصیات کی شادیوں کا سال ثابت ہو رہا ہے، سال کے آغاز پر ہی جہاں کئی شوبز شوبز شخصیات کی شادیاں ہوئیں وہیں کچھ شوبز ستاروں کی شادیوں کی افواہوں نے بھی سوشل میڈیا پر دھوم مچا رکھی۔
پہلے اداکارہ خوبروکبریٰ خان اور گوہر رشید کی شادی کی تصدیق اور ساتھ ہی ڈھولکی سے انکی شادی کی تقریبات کا باقاعدہ آغاز ہوا ہی تھا کہ اسی دوران پری زاد کے اداکار احمد علی اکبر کی شادی سے متعلق بھی خبریں سرگرم ہوگئیں۔
اسی دوران پاکستان سمیت بھارت میں جاندار اداکاری کے جوہر دکھانے والی معروف اداکارہ ماورا حسین نے دوست امیر گیلانی سے شادی کرکے سب کی توجہ اپنی جانب مائل کرالی۔
مداح ابھی ماورا اور امیر گیلانی کی شادی کی پرمسرت تقریبات سے لطف اندوز ہوہی رہے تھے کہ حسین پاکستانی اداکارہ انمول بلوچ کی جلد شادی کی خبریں سرگرم ہوگئیں۔
سوشل میڈیا پر گردش کرتی خبروں کے مطابق انمول بلوچ بھی جلد شادی کے بندھن میں بندھنے جا رہی ہیں، اداکارہ کے ہونے والے کروڑ پتی کاروباری شخصیت ہیں اور اداکارہ ایمن سلیم کے رشتہ دار ہیں۔
