بھارتی لیجنڈ کامیڈین جونی لیور بھی عمران اشرف کے معترف نکلے

تازہ ترین خبروں اور تبصروں کیلئے ہمارا وٹس ایپ چینل جوائن کریں

 

latest urdu news

ممبئی،بھارتی لیجنڈ کامیڈین جونی لیور بھی معروف پاکستانی اداکار عمران اشرف کے مداح نکلے۔

معروف جونی لیور نے نجی ٹی وی چینل کے پروگرام میں میزبان عمران اشرف کی پرفارمنس کی تعریفیں کرتے ہوئے ان کیلئے نیک خواہشات کا اظہار کیا ہے۔

بھارتی اداکار کی جانب سے اپنے پیغام میں عمران اشرف کے ٹیلنٹ کی تعریف کی گئی اور کہا کہ انہوں نے پہلے اپنی اداکاری سے ڈراموں میں اپنا لوہا منوایا اور اب پروگرام اینکر کے طور پر بہترین پرفارمنس دے رہے ہیں۔

جونی لیور نے کہا کہ پروگرام ’’مذاق رات ‘‘ایک بہترین شو کیساتھ ساتھ نئے ٹیلنٹ کو متعارف کرانے کاذریعہ بھی بن رہا ہے۔

معروف اداکارعمران اشرف نے سوشل میڈیا پر شیئر کئے گئے جونی لیور کے ویڈیو پیغام کو اپنے لئے ایک ایوارڈ قرار دیا ہے۔

شیئر کریں:
frontpage hit counter