لاہور، پاکستان شوبز انڈسٹری کی مشہور اداکارہ حرا عمر کا کہنا ہے کہ کسی اچھے اور ایماندار شخص سے شادی کروں گی۔
حال ہی میں دیئے گئے ایک انٹرویو میں اداکارہ حرا عمر کی جانب سے نجی زندگی اور کیریئر سمیت مختلف موضوعات پر کھل کر اظہار خیال کیاگیا ۔
شادی کے حوالے سے پوچھے گئے ایک سوال کے جواب میں حر ا عمر نے کہا کہ فی الحال شادی کا کوئی ارادہ نہیں ہے اس لیے والدین کو منع کردیتی ہوں، جب بھی شادی کی کسی اچھے اور ایماندار شخص سے کروں گی، ہمسفر اچھی نیچر کا ہونا چاہیے اور اس کی مالی حیثیت بھی ٹھیک ہونی چاہیے ۔
ایک پرپوزل کا دلچسپ واقعہ سناتے ہوئے اداکارہ کا بتانا تھا کہ ترکی کے ٹرپ کے دوران ایک مداح سے 20 سیکنڈ کے لیے ملی اس نے تھوڑی سی بات کی جب پاکستان آئی تو اس سے پہلے ہی انسٹاگرام پر شادی کا پروپوزل آیا تھا۔
اداکار ہ کا کہنا تھا کہ اس رشتے سے متعلق گھر والوں کو بتا دیا تھا، بعد میں اس کی اور گھر والوں کی والدہ سے بات ہوئی لیکن شادی کا ارادہ نہیں ہے تو بات آگے نہیں بڑھ سکی۔
کیریئر کے حوالے سےبات کرتے ہوئے حرا نے بتایا کہ میں سکرپٹ کو بہت غور سے پڑھتی ہوں اور اسے فوراً ہی ادا کردیتی ہوں، کوشش ہوتی ہے سین اچھے طریقے سے کروں ۔
