31
وزیرآباد، ولیمے کے روز حرکت قلب بند ہونے سے دولہا زندگی کی بازی ہار گیا۔
ذرائع کا کہنا ہے کہ وزیرآباد کے نواحی گاؤں بینکہ چیمہ کا رہائشی حافظ عمر شادی کے سلسلے میں اٹلی سے وطن واپس آیا تھا اور گزشتہ روز شام کو دعوت ولیمہ تھی۔
ولیمے کی تقریب سے پہلےنوجوان کو دوپہر کے وقت دل کا دورہ پڑا۔
اہل خانہ کی جانب سے دلہا حافظ عمر کو کارڈیالوجی وزیرآباد منتقل کیا گیا لیکن جانبر نہیں ہو سکا۔
نوجوان دولہا کی اچانک موت پر خوشیوں والا گھر ماتم کدہ بن گیا، اہل خانہ سمیت پورا گاؤں غم سے نڈھال ہے، حافظ عمر کے باقی 3 بھائی بھی بیرون ملک مقیم ہیں جو شادی کیلئے پاکستان آئے ہوئے تھے۔
