ساڑھے 10 کلو گرام سے زائد چرس کی اسمگلنگ کی کوشش ناکام

یہ بھی پڑھیں

گڑ کی آڑ میں ساڑھے 10 کلو گرام سے زائد چرس کی دوحا اسمگلنگ کی کوشش ناکام بنا دی گئی۔

ائیرپورٹ سکیورٹی فورس کے عملے کی جانب سے پشاور ائیرپورٹ سے گڑ کی آڑ میں ساڑھے 10 کلو گرام سے زائد چرس کی دوحا اسمگلنگ کی کوشش ناکام بنا دی گئی۔

ائیرپورٹ سکیورٹی فورس حکام کا بتانا ہے کہ مسافر حسن ابراہیم دوحا کی پرواز پر سفر کے لیے پشاور ائیرپورٹ پہنچا تھا اور اپنے سامان میں گڑ سے بھرا پلاسٹک کا ایک ڈبہ بھی لے جا رہا تھا۔

ترجمان اے ایس ایف کا بتانا ہے کہ تلاشی کے دوران اے ایس ایف کے ماہر عملے نے پلاسٹک کے ڈبے کو مشکوک قرار دیا۔

ڈبے کی تفصیلی تلاشی کے دوران گڑ میں چھپائی 10.60 کلو گرام چرس برآمد کر لی گئی۔

ملزم کو برآمد شدہ منشیات کیساتھ اے این ایف کے حوالے کر دیا گیا ہے اور ملزم سے مزید تفتیش کی جا رہی ہے۔