میری لینڈ، امریکا میں خاتون نے اپنے خواب میں لاٹری کا نمبر دیکھا اور وہی نمبر اسے لکھ پتی بنا گیا۔
غیرملکی رپورٹ کے مطابق امریکی ریاست میری لینڈ کی رہائشی خاتون نے حال ہی میں پک پانچ کی قرعہ اندازی میں 50 ہزار ڈالر جیتے۔
منفرد بات یہ ہے کہ امریکی خاتون نے انکشاف کیا ہے کہ ٹکٹ خریدنے سے پہلے اسے جیتنے والے نمبر خواب میں نظر آئے۔
پرنس جارج کاؤنٹی سے تعلق رکھنے والی خاتون کی جانب سے لاٹری حکام کو بتایاگیا کہ وہ دسمبر میں خواب سے بیدار ہوئی جس میں ہندسوں کی ایک تار تھی جو اس کے ذہن میں گونج رہی تھی۔
امریکی خاتون نے بتایا کہ اپنے خواب پر یقین کرتے ہوئے انہوں نے ایک ٹکٹ خریدا جس کا نمبر 99000 تھا، چھٹیوں کے موسم میں ٹکٹ خریدنے کے بعد انہوں نے ایک پارٹی میں شرکت کی، اس رات کے بعد جب خاتون نے اپنا ٹکٹ چیک کیا تو وہ یہ جان کر حیران رہ گئیں کہ انہوں نے جیک پاٹ جیت لیا۔
غیر ملکی رپورٹ کے مطابق امریکی خاتون کا خواب اس وقت سچ ثابت ہوا جب جیتنے والوں کا اعلان کیا گیا، خاتون نے لاٹری کے ذریعے 50 ہزار ڈالر کی انعامی رقم جیت لی۔
خاتون کے شوہر کے مطابق اہلیہ نے مجھے بتایا تھا لیکن یہ خواب تھا لیکن یہ سچ ثابت ہوا اور شکر ہے اس نے انعامی رقم جیت لی ہے۔
جوڑے کا کہنا ہے کہ وہ اب بھی انعامی رقم کے بارے میں سوچ رہے ہیں کہ اسے کس طرح استعمال کیا جائے۔