فلوریڈا، امریکی ریاست کنیکٹیکٹ میں ایک سیاہ ریچھ نے ایک گھر کے احاطے سے ایک عجیب و غریب واردات کی، چور بھالو بچوں کے لیے رکھی ٹافیاں اور کدو لے اڑا۔
ہیلووین کے موقع پر بچوں کیلئے پورچ میں رکھی گئی ٹافیاں کے پیالے پر ہاتھ صاف کرنے کے علاوہ کالا ریچھ وہاں سے کدو بھی چرا لے گیا۔
گھر میں مالکن کرسٹل کُک نے اس متعلق ایک سکیورٹی کیمرے کی فوٹیج شیئر کی، جس میں بھالو کو ہیلووین ٹافیوں کا پیالہ لیتے ہوئے دیکھا گیا، خاتون کی جانب سے وہ پیالہ محلے کے بچوں کے لیے رکھا گیا تھا تاکہ جب وہ وہاں سے گزریں تو ٹافیاں بھی کھاتے جائیں۔
کرسٹل اس وقت خود گھر کے اندر رس کھا کر محظوظ ہور ہی تھیں کہ چالاک چور کی جانب سے کارروائی ڈال دی گئی، بھالو صرف ٹافیوں تک ہی نہیں رکا بلکہ اس نے خاتون کی جانب سے اشیا ڈیلیور کرنے آنے والے ڈرائیوروں کے لیے رکھے گئے رس بھی کھا گیا اور جاتے ہوئے کدو بھی اٹھا کرلے گیا۔
نارتھ کیرولائنا میں بھی ایک خاتون کے حفاظتی کیمرے کی جانب سے بھالو چوروں کے گروہ کی فوٹیج شیئر کی گئی ہے، اس فوٹیج میں 3 بھالو گھر کے پورچ میں لگے کدو کھا کر فرار ہوتے دکھائی دے رہے ہیں۔
